Jer 46 | Ndebele | STEP | Ilizwi leN kosi elafika kuJeremiya umprofethi limelene labezizwe;

1 Ilizwi leNkosi elafika kuJeremiya umprofethi limelene labezizwe; ^a 2 limelene leGibhithe, limelene lebutho likaFaro Neko inkosi yeGibhithe, ^b elalingasemfuleni iYufrathi, eKarikemishi, ^c alitshayayo uNebhukadirezari inkosi yeBhabhiloni, ngomnyaka wesine kaJehoyakhimi, indodana kaJosiya, inkosi yakoJuda: ^d

3 Hlelani ihawu lesihlangu, ^e lisondele empini. 4 Bophelani amabhiza, ^f ligade, bagadi bamabhiza, lizimise lilezingowane, lilole imikhonto, ^g ligqoke amabhatshi ensimbi. ^h 5 Ngibaboneleni betshaywa luvalo, bebuyela emuva? Lamaqhawe abo ephulaphuliwe, ayabaleka ngesiqubu, kawanyemukuli emuva; ⁱ kulokwesaba inhlangothi zonke, ^j itsho iNkosi. 6 Olejubane kangabaleki, ^k leqhawe kalingaphunyuki; bazakhubeka bawele ngenyakatho ^l eceleni komfula iYufrathi. ^m

7 Ngubani lo okhukhumala ⁿ njengesifula, ^o omanzi aso aqubuka njengomfula? ^p 8 IGibhithe ikhukhumala ^q njengesifula, ^r lamanzi aqubuka njengemifula; ^s ithi: Ngizakhukhumala, ngiwusibekele umhlaba, ngichithe umuzi labahlala kiwo.

9 Yenyukani mabhiza, lihlanye ^t zinqola; kawaphume amaqhawe; amaEthiyophiya, lamaPuti ^{u
,} ^v aphatha isihlangu, lamaLudi ^{w
,} ^x aphatha ^y anyathela idandili. ^z 10 Ngoba lolu lusuku lweNkosi uJehova wamabandla, ^aa usuku lwempindiselo, ^ab ukuthi iziphindisele ezitheni zayo; lenkemba izakudla, ^ac isuthe, idakwe ligazi labo; ^ad ngoba iNkosi uJehova wamabandla ilomhlatshelo ^ae elizweni lenyakatho ngasemfuleni iYufrathi. ^af

11 Yenyukela eGileyadi, uyethatha ^ag ibhalisamu* ^ah, ntombi emsulwa, ^ai ndodakazi yeGibhithe; imithi uyandisela ize, kakulakwelatshwa kuwe. ^aj 12 Izizwe zizwile ihlazo lakho, lomhlaba ugcwele ukukhala kwakho; ^ak ngoba akhubekile, iqhawe limelene leqhawe, ^al womabili awele phansi ndawonye. ^am

13 Ilizwi iNkosi eyalikhuluma kuJeremiya umprofethi ngokuza kukaNebhukadirezari inkosi yeBhabhiloni ukutshaya ilizwe leGibhithe: ^an

14 Memezelani eGibhithe, lizwakalise eMigidoli, ^ao lizwakalise eNofi ^ap leThahaphanesi, ^aq lithi: Zimise, uzilungiselele, ^ar ngoba inkemba izakudla inhlangothi zonke zakho. ^as 15 Kungani amadoda akho alamandla ^at ekhukhuliwe? ^au Kawemanga ngoba iNkosi iwafuqile. 16 Yandisa abakhubekayo, ^av yebo, omunye wawela phezu komunye; ^{aw
,} ^ax basebesithi: Sukumani, sibuyele ebantwini bakithi, lelizweni lokuzalwa kwethu, sisuke enkembeni ecindezelayo. ^ay 17 Bamemeza khona, bathi: UFaro inkosi yeGibhithe ungumsindo; ^az udlulise isikhathi esimisiweyo. ^ba

18 Kuphila kwami, ^bb itsho iNkosi, ^bc obizo layo yiNkosi yamabandla: ^{bd
,} ^be Isibili njengeThabhori phakathi kwezintaba ^bf lanjengeKharmeli ngaselwandle ^bg uzafika. 19 Zenzele izikhali zokuthunjwa, ^bh ndodakazi ehlala eGibhithe; ^bi ngoba iNofi ^bj izakuba yincithakalo, ^bk itshiswe, kungabi lomhlali. ^bl 20 IGibhithe ilithokazi ^bm elihle kakhulu; isibawu siyeza, sivela enyakatho. ^bn 21 Labaqhatshiweyo bayo phakathi kwayo banjengethole lesibaya; ^bo ngoba labo baphendukile, ^bp babaleka kanyekanye; kabemanga, ngoba usuku lokuhlupheka kwabo lubehlele, ^{bq
,} ^br isikhathi ^bs sempindiselo yabo. ^bt 22 Ilizwi layo lizahamba ^bu njengenyoka; ^bv ngoba bazahamba lebutho, beze kuyo belamahloka, njengabagamuli bezihlahla. ^bw 23 Bagamule ihlathi layo, ^bx itsho iNkosi, lanxa lingephenywe, ^by ngoba banengi okwedlula isikhonyane, ^bz kabalakubalwa. 24 Indodakazi yamaGibhithe izayangeka, izanikelwa esandleni sabantu benyakatho. ^ca

25 INkosi yamabandla, uNkulunkulu kaIsrayeli, ithi: Khangela, ngizajezisa uAmoni ^cb weNo, ^cc loFaro, leGibhithe, labonkulunkulu bayo, ^cd lamakhosi ayo, yebo uFaro labathembela kuye. 26 Ngibanikele esandleni salabo abadinga impilo yabo, ^ce lesandleni sikaNebhukadirezari inkosi yeBhabhiloni, lesandleni senceku zakhe; lemva kwalokho ihlalwe ^cf njengensukwini zendulo, ^cg itsho iNkosi.

27 Kodwa wena, ungesabi, ^ch nceku yami Jakobe, ungatshaywa luvalo, Israyeli, ngoba khangela, ngizakusindisa usekhatshana, lenzalo yakho elizweni lokuthunjwa kwayo; uJakobe uzaphenduka-ke, athule, onwabe, njalo kakho ozamethusa. 28 Wena, ungesabi, nceku yami Jakobe, itsho iNkosi, ngoba ngilawe; ^ci ngoba ngizaqeda ngokupheleleyo zonke izizwe engikuxotshele kuzo, kodwa kangiyikukuqeda ngokupheleleyo, ngikukhuze ngokufaneleyo, kodwa kangiyikukuyekela lokukuyekela ungajeziswanga.